МАГИСТРАНТТАР ҮЧҮН КЕЗЕКТЕГИ УСУЛДУК СЕМИНАР
МАГИСТРАНТТАР ҮЧҮН КЕЗЕКТЕГИ УСУЛДУК СЕМИНАР
Ош мамлекеттик педагогикалык университетинде башталгыч, мектепке чейинки билим берүүнүн теориясы жана усулу кафедрасынын окутуучулары магистранттарга семинар өттү.
Ага ылайык п.и.к., доцент Зырапа Абдывасиева “Башталгыч математикалык билим берүүдө заманбап технологияларды колдонуу”, п.и.к., доцент Эркин Касымбеков “Интеграциялап окутуу - билим берүүнүн натыйжалуулугун жогорулатуунун эффективдүү жолдору”, Нурмира Кожобекова “Балдарды кеп маданиятына тарбиялоо жана туура сүйлөөнү үйрөтүүнүн жолдору” аттуу темада сабак өтүштү.
Мында магистранттар окутуучулар менен биргеликте соңку учурдагы актуалдуулук жараткан заманбап технологиялардын сабакта колдонуу усулдарын талкуулашты. Ошондой эле мугалимдердин квалификациясын жогорулатуунун маанилүүлүгү, алган билимди сабакта натыйжалуу колдонуунун эффективдүү жолдору, кеп маданияты, билим берүү процессиндеги жаңылануулар туурасында кеңири маалыматка ээ болушту.