МАГИСТРАНТТАРГА ЖАНА БҮТҮРҮҮЧҮ КУРСТАРГА МАСТЕР-КЛАСС УЮШТУРУЛДУ
МАГИСТРАНТТАРГА ЖАНА БҮТҮРҮҮЧҮ КУРСТАРГА МАСТЕР-КЛАСС УЮШТУРУЛДУ
Ош мамлекеттик педагогикалык университетинде магистранттарга жана бүтүрүүчү курстарга мастер-класс өткөрүлдү.
Иш-чара “Жасалма интеллект жана маалымат технологияларынын келечеги” аталышында болуп, окуу жайдын гуманитардык факультетинин англис тили жана аны окутуу кафедрасы тарабынан уюштурулду.
Мында алгач окутуучу Наргүл Бекмуратова “AI Tools for improving vocabulary skills” деген темада Grok. сom., leonardo.ai, chatgptни колдонуп студенттердин англис тилиндеги сөз байлыгын өстүрүүнүн бир канча жолдорун көрсөтүп, угуучулар ээ болгон маалыматты жеке жана топтор менен биргеликте практика жүзүндө ишке ашырышты. Аталган сабак жасалма интеллекти колдонуу менен студенттердин сөз байлыгын өркүндөтүү, ачкыч сөздөрдү так, даана берүү менен жасалма интеллектти колдонуу сыяктуу бир канча максаттарды көздөйт.
Аны улай Нурзат Сартбаева Катышуучуларга классты топко бөлүүдө QRду колдонуунун жолдорун көрсөтүп берди. QRду онлайн ар бир студент өзү каалагандай жасай алуу жолдорун айтып, Narakeet онлайн платформасы аркылуу тексттен аудио жана Power Point менен жасалган презентацияга үн кошуу жолдорун үйрөттү.
Мындан сырткары аталган кафедранын улук окутуучусу Мира Абдыразакова семинардын жүрүшүндө магистранттар үчүн англис тилин окутууда жасалма интеллектти (AI) колдонуу жана социалдык-эмоционалдык окутуунун (СЭО) мааниси тууралуу баяндама жасады. Иш чаранын жүрүшүндө магистранттар “Hume AI тил үйрөнүүдө кандай жардам берет?” - деген суроого жооп издешти.
Бул менен бирге катышуучулар социалдык-эмоционалдык окутуу көнүгүүлөрдү, тил үйрөнүүдө эмоцияларды туура колдонуу боюнча бир нече көнүгүүлөрдү талкуулашты. Натыйжада магистранттар жасалма интеллекттин мүмкүнчүлүктөрүн таанып, эмоцияларды эске алуу менен тил окутуунун жаңы ыкмаларын үйрөнүштү.
