ОшМПУда АЧЫК ТАРБИЯЛЫК САБАК ӨТКӨРҮЛДҮ
ОшМПУда АЧЫК ТАРБИЯЛЫК САБАК ӨТҮЛДҮ
Ош мамлекеттик педагогикалык университетинин гуманитардык факультетинде Ан-23к-1 тайпасына факультеттин окутуучусу Гулнара Акылбекова тарабынан ачык тарбиялык саат өткөрүлдү.
Иш чара “Аялдан мурда адамбыз: Кыргыз аялдарынын үнү жана Топчугүл Шайдуллаеванын жан дүйнөгө жеткен аңгемелери” темасында өтүп, гендердик теңдикке багытталган 16 күндүк акциянын алкагында уюштурулган. Мында катышуучулар жазуучунун “Келин таш” аттуу аңгемесинен үзүндүлөрдү угуп, анын мазмунун талкуулашты.
Сабактын жүрүшүндө аңгеме аркылуу аялдардын коомдогу ролу, алар туш болгон социалдык жана маданий көйгөйлөр жөнүндө кеңири талдоо жүргүзүлдү. Бул менен бирге видеороликтер жана слайддар колдонулуп, катышуучулардын сабакка болгон кызыгуусу артты. Натыйжада студенттерге “Мен билген күчтүү кыргыз аялдары” деген темада эссе жазуу жана Топчугул Шайдуллаеванын чыгармаларын тереңирээк изилдөө сунушталды. Соңунда катышуучулар өз ойлорун стикерлер аркылуу билдиришти.
Аталган саамалык аялдарга жана кыздарга карата зордук-зомбулукту токтотуу маселесин талкуулао, гендердик теңдиктин маанисин жана коомдогу аялдардын укуктарын арттыруу максатын көздөйт. Мындан сырткары жазуучу Топчугүл Шайдуллаеванын чыгармалары аркылуу кыргыз адабиятындагы аялдардын күчтүү образдарын жана алардын жан дүйнөсүнүн тереңдиктерин ачып берүү пландалган.
