Облустук спартакиадада ОшМПУнун командалары ийгилик жаратты

29-апрель күнү ОшМУнун базасында Ош облусундагы билим жана илим кызматкерлеринин спартакиадасы өттү.

Мелдеш спорттун 6 түрүнөн болуп, ага Ош мамлекеттик педагогикалык университетинин командалары да активдүү катышты.

Жыйынтыгында тогуз коргоол боюнча эжекелер командасы 2-орунду, волейболдон 40+ агайлар командасы 2-орунду ал эми 40+ эжекелер командасы 3-орунду камсыздап диплом жана акчалай байгелер менен сыйланышты.

Белгилей кетсек аталган спартакиада КР билим жана илим кызматкерлеринин кесиптик бирлигинин борбордук комитети тарабынан уюштурулуп, ага Оштогу райондордун, шаарлардын билим берүү кызматкерлери жана жогорку окуу жайлардын өкүлдөрү катышты.