ЖАШТАР КҮНҮНДӨ СТУДЕНТТЕР ТАЛКУУ ҮСТҮНДӨ..

Бүгүн Ош мамлекеттик педагогикалык университетинде 10-ноябрь бүткүл дүйнөлүк жаштар күнүнө карата тегерек стол болуп өттү.

Иш чара“Жаштардын коомдогу орду жана милдети” аталышында болуп, окуу жайдын жаштар комитети тарабынан уюштурулган. Тегерек столдун жүрүшүндө жаштар комитетинин активдүү мүчөлөрү Нурайым Аданова, Венера Рысбаева жана Динара Мамашарипова баяндама жасап, жаштар күнүнүн тарыхы, өлкөнүн келечеги, билимдүү жаштардын азыркы учурдагы орду жана милдети туурасында кызуу талкуу жүрдү.

Учурда өлкөнүн ар тараптан өнүгүп, жаштардын келечектин керегине жараган ишенимдүү жүзгө айлануусу үчүн билимдин орду чоң экени бүгүнкү тегерек столдо дагы бир ирет далилденди. Бул менен бирге катышуучулар тараптан сунуш – пикирлер айтылып, иш чара андан ары суроо-жооп форматында уланды. Жыйынтыгында активдүү катышкан студенттер уюштуруу тобу тарабынан диплом жана белектерге ээ болушту.