ЖАТАКАНА ЖАШТАРЫ БИЛИМ ТАЙМАШЫНДА

Ош мамлекеттик педагогикалык университетинде 4-декабрь-“Манас” эпосунун күнүнө карата жатаканада жашаган студенттер үчүн акыл таймаш өткөрүлдү.

Мында жобого ылайык ар бир кабаттын студенттеринен түзүлгөн командалар өз билимдерин сыноо менен кызуу оюн курушту. Акыл таймаш жаш студенттердин билимге болгон ынтызарлыгын күчөтүү, ой-өрүшүн, дүйнө таанымын кеңейтүү, жана кыргыз тилди, адабиятты, анын ичинде “Манас” эпосун жайылтуу жана даңазалоо максатын көздөйт.

Оюндун жыйынтыгында калыстар тобу командалардын упайларын санап, жеңүүчүлөрдү аныкташты. Эскерте кетсек байгелүү орундарга ээ болгон командалар айлыктын жыйынтыктоочу аземинде сыйланышат.