15 апрель 2025
10
ОшМПУ ЖАНА СУРГУТ МАМЛЕКЕТТИК УНИВЕРСИТЕТИ КЫЗМАТТАШУУ КЕЛИШИМИН ТҮЗДҮ
ОшМПУ ЖАНА СУРГУТ МАМЛЕКЕТТИК УНИВЕРСИТЕТИ КЫЗМАТТАШУУ КЕЛИШИМИН ТҮЗДҮ
Ош мамлекеттик педагогикалык университети менен Россиянын Сургут мамлекеттик университетинин ортосунда жаңы кызматташтык келишими түзүлдү.
Окуу жайлар ортосундагы бул келишим эки тараптуу өнөктөштүктү чыңдоого жана билим берүү, илим, түрдүү долбоорлор жаатында биргелешкен аракеттерди арттырууга багытталган.
Келишим онлайн форматта, окуу жайлардын жаштар комитетинин төрагаларынын катышуусунда түзүлдү. Анын алкагында студенттердин академиялык мобилдүүлүк программасы, окутуучулардын тажрыйба алмашуусу, илимий-изилдөө иштериндеги кызматташтык жана маданий байланыштарды өнүктүрүү каралды.
Маалымат иретинде, Сургут мамлекеттик университети — Россиядагы билим берүү, илим жана маданият тармагында өз орду бар, тажрыйбалуу жогорку окуу жайлардын бири. Тараптар бул келишим эки университет үчүн тең жаңы мүмкүнчүлүктөрдүн эшигин ачат деп ишенишет. 
