Ош мамлекеттик педагогикалык университети
» » КУТТУУ БИЛИМ УЯБЫЗДЫН АРЫШЫ КЕНЕН БОЛСУН!
18 май 2021
130

КУТТУУ БИЛИМ УЯБЫЗДЫН АРЫШЫ КЕНЕН БОЛСУН!

КУТТУУ БИЛИМ УЯБЫЗДЫН АРЫШЫ КЕНЕН БОЛСУН!

Урматтуу устаттар, кадырлуу кесиптештер, сыймыктуу студенттер, бүгүнкү күн биз үчүн абдан маанилүү. Анткени, 18-май баарыбыздын тагдырыбызды өз тарыхына байлаган ОШ МАМЛЕКЕТТИК ПЕДАГОГИКАЛЫК УНИВЕРСИТЕТИНИН күнү. Айтканга жеңил, бирок бир кылымга жакын мезгилдин бардык баскычтарын басып, ашуусу татаал ашууларынан ашып, коомдон өзүнүн өзгөчө ордун табуу менен өлкө үчүн эн зарыл болгон педагогикалык багыттагы адистерди даярдоонун түптүү устаканасына айланган окуу жайдын тарыхы да, тамыры да, андагы тагдырлардын ар бири өзүнчө сабак, баарына үлгү.

“Жабыла көтөргөн жүк жеңил болот”  деген ураандын астында баарыбыз биргеликте аракеттендик. Мамлекеттик денгээлдеги бир топ иш чараларда, илимий конференцияларда, маданий-массалык аземдерде, спорттук аренада, олимпиадалык тепкичтерде ийгиликтерге жетиштик, университеттер менен болгон карым-катышыбыз, эл аралык денгээлдеги мамилебиз өстү, күн сайын бир тепкичке жогорулап, анын ийгилигин да, машакаттуу аракетин да баарыбыз бирге тарттык. Анын жыйынтыгы катары бир учурда эки ийгилик коштолуп жакында эле “МАМЛЕКЕТТИК УНИВЕРСИТЕТ” макамына ээ болдук, бул баарыбыздын ийгилигибиз. Мындан ары да арышыбыз кенен, ынтымагыбыз ыдырабай, улууларыбыз үлгү, жаштарыбыз иштерман, студенттерибиз билимдүү, даярдаган кадрларыбыз коомго пайда алып келген инсан болушуна тилектешмин.

Кылымдын кыйырында өз максатына тынымсыз талпынып, күнүн изденүү менен баштаган ынтымактуу жамааты менен ийгиликтин ордосунан чыккан окуу жайыбыздын жалпы кызматкерлерин дагы бир жолу чын дилимден куттуктаймын. Ооматтуу университетибиздин мартабасы бийик, даражасы улук, багыты түз, максаты орундуу, келечеги кен болсун.

МАЙРАМЫҢЫЗДАР МЕНЕН!

Урматым менен

Ош МПУнун ректору  Зулуев Б.Б.

 

шаблоны для dle 11.2

Пикир кошуу

ОшМПУнун дареги
Кыргыз Республикасы

723500, Ош облусу, Ош шаары

Исанова к. 73

Телефондор.: (03222)43567, 43550

Эл.почтасы: oshmpu@gmail.com
Интерактивная карта

Copyright © 2018 Сайттагы материалдарды түрдүү максаттарда пайдалануу, анын ичинде электрондук ММКларга жарыялоо сайттын администрациясынын кат түрүгндөгү уруксаты менен гана ишке ашырылат.

Разработка сайта - uDesign.pro