“БАГЫТ” ОКУУ БОРБОРУ КЫШКЫ ОКУУ КУРСУН УЛАНТУУДА...

Ош мамлекеттик педагогикалык унтверситетинин “Багыт” кайра даярдоо борбору окуучуларды жалпы республикалык тестирлөөгө даярдоо боюнча 15 күндүк курсун өттү.

Аталган курста Өзгөн жана Лейлек районунун орто мектептеринен келген 10-11-класстын окуучулары билим алышты. Мында жалпы 26 окуучу негизги тесттин предметтери жана кошумча химия, англис тили предметтеринен тестке даярдык көрүштү.

2 жумалык даярдыктан соң окуучулар сынамык тест тапшырышты. Натыйжада окуучулардын упайлары салыштырмалуу жогорулап, аз убакыт ичинде жакшы жетишкендиктерге ээ болгону маалым болду.

Жыйынтыгында бардык окуучуларга борбор тарабынан сертификаттар тапшырылып, жогорку упай алган окуучулардын ата-энелери ыраазычылык кат менен сыйланышты.

Белгилей кетсек, учурдагы суук аба-ырайына байланыштуу окуучулар уюштуруу бөлүмү тарабынан жатакана менен камсыздалган. Курстун жүрүшүндө ЖРТга даярдоо, туура кесип тандоого багыт берүү, окуу жайлар менен жакындан тааныштыруу, семинар-тренингдер уюштурулду.