ПРОФЕССОР ТАШТАНБЕК СИЯЕВ ОшМПУда ТРЕНИНГ ӨТТҮ

6-декабрь күнү Ош мамлекеттик педагогикалык университетинде педагогика илимдеринин доктору, профессор Таштанбек Сияев студенттерге семинар өттү.

Тренинг “Ийгилик булагы...Өзүн өзү баамдоо” темасынын алкагында жүрүп, ага жалпы студенттер жана жатакана жаштары активдүү катышты.

Мында студенттердин өзүн тааный билүүсү, өздүк баамдоодогу баскычтары, туура анализ жүргүзүүсү, өзгөчөлүк сапаттарын аныктай билүүсү жөнүндө кеңири маалымат берилди. Ошондой эле тренер адамдагы акыл-эс, сулуулук, мүнөз, өзгөчөлүк, туруктуулук, өзгөрүүчүлүк, өздүк актуалдуулук маселелерине кеңири токтолду.

Соңунда студенттер тарабынан ыраазычылыктар айтылып, суроолор берилип, мыкты суроолорго профессор өз автордук китептерин белек кылды.