АДАМДЫККА САПАР АЛГАН САБАКТАР УЛАНУУДА

Ар жуманын ишемби күндөрү өтүлүүчү "Жаратман чыгармачылык борбору" коомдук бирикмесинин кезектеги сабагы болуп өттү.

Семинардын коногу ЖЧБнын мүчөсү жана ОшМУнун "Билим" лицейинин мугалими Ибрагим Айип уулу болуп, жаштар менен жогорку деңгээлде дидарлашты.

Сабактын темасы мекен жөнүндө болуп, мында улуттук тарбия, тарыхтагы таасын окуялар, жаштардын мекенге болгон сүйүүсү жана мамилеси жөнүндө маалымат берилди.Ошондой эле студенттерди мекендин ыйыктыгын сезип, аны коргой билүүгө, эгемендүүлүктүн кадырына жетүүгө, жоопкерчилик менен мамиле жазсап, мекен үчүн кызмат кылуууга чакырды.

"Мекен , Ата-Журт, киндик кан тамган жер деген бул бизге апа сыяктуу. Анткени апалар, биз кээде туура эмес жумуш жасасак,айрым учурда тилдейт, жакшы иш жасасак алкайт, сыймыктанат. Учурда биздин апабыз бизге капа болууда!"-,деп билдирди Ибрагим Айип уулу.

Соңунда конок студенттерге өз калемине таандык ырларын окуп,аны улай Баткендеги болуп өткөн акыркы окуялар жөнүндө жазган "Ак бугуну" чертпесин комузчулар" чыгармасын көзгө жаш ала окуп, сабакты жыйынтыктады.

Белгилей кетсек, ЖЧБ коомдук бирикмесинин ар бир сабагы жаштарды адамдыкка тарбиялоо менен бирге алардагы жакшы сапаттарды өнүктүрүп, жеке чыгармачылыктарын, руханий дүйнөсүн багынтууга гана багытталат.