ОКУТУУЧУЛАР КЕЗЕКТЕГИ СЕМИНАРДА

25-26-январь күндөрү Ош мамлекеттик педагогикалык университетинин Кыргыз-Россия факультетинде 72 сааттык семинар болуп өттү.

Иш чара факультеттин окуу-усулдук кеңеши тарабынан уюштурулуп, аны ОшТУнун окутуучусу жана “Санарип мугалим-2022” республикалык сынактын жеңүүчүсү Бегимай Надилбек кызы “Кызыктуу сабак өтүүнүн жаңы ыкмалары” деген темада өтүп берди.

Мында тренер окутуучулук кесиптин улуулугу, жоопкерчилиги жана сабак өтүүдө окуучулар менен иштешүү, аларды сабакка кызыктыруу методдору менен бөлүшүп, айкалышкан теориялык-практикалык билимдерди, ыкмаларды көрсөттү.

Натыйжада катышуучулар 72 сааттык тренингдин сертификатына ээ болуп, аталган семинар бир топ кызыктуу, маңыздуу жана пайдалуу болгонун айтып, тренерге ыраазычылыктарын билдиришти.