ОшМПУнун РЕКТОРУ ЖЫЛДЫК ОТЧЕТУН БЕРДИ

Бүгүн Ош мамлекеттик педагогикалык университетинде жалпы эмгек жамаат менен жетекчиликтин жолугушуусу болду.

Ага ылайык ректор Бекмурза Зулуев 2022-жылда аткарылган иштер боюнча баяндама жасады. Мында университеттин окуу иштери, эл аралык байланыштар, илимий иштери, маданий жана спорттук иш чаралар, экономикалык көрсөткүч, чарба иштери жана 1 жылдык жетишкендиктер боюнча маалыматтар айтылып, отчёттук видео тасма көрсөтүлдү.

Ошондой эле жамаат тарабынан бир канча суроолор жана сунуш-пикирлер айтылды. Жыйынтыгында ректор алдыда окуу жайда аткарыла турган орчундуу иш пландары менен тааныштырды жана негизги жасала турчу аракеттерди баса белгилеп, бул үчүн жамаатын күжүрмөн эмгеги зарыл экенин айтты.