ОшМПУнун СЫЙМЫКТУУ ПРОФЕССОРЛОРУ

Ош мамлекеттик педагогикалык университетинин ректору мамлекеттик сыйлыкка ээ болгон ардактуу профессорлорду сыйлады.

Мында III даражадагы "Манас" орденине ээ болгон тарых илимдеринин доктору, профессор Балтагул Нурунбетов жана "Даңк" орденине ээ болгон биология илимдеринин кандидаты, профессор Гүлсара Омуралиеваны атайын жыйында окуу жайдын жетекчилиги жана эмгек жамааты кызуу куттукташты.

Эскерте кетсек 29-декабрь күнү КРнын Президенти Садыр Жапаров мамлекеттин өнүгүүсүнө зор салымын кошуп, өлкө үчүн талыкпай ак кызмат өтөгөн бир канча мыкты кызматкерлерге мамлекеттик жогорку сыйлыктарды тапшырган.