МАЙРАМЫҢЫЗДАР КУТ БОЛСУН МЫРЗАЛАР!

Ош мамлекеттик педагогикалык университетинин Аялдар кеңеши жалпы мырзаларды майрамы менен куттукташты.

23-февраль Ата мекенди коргоочулар күнүнө карата окуу жайда айымдардын атынан чакан концерттик программа тартууланды. Иш чарага университеттин жетекчилиги, агайлар жамааты жана студенттер катышты. Майрамдык кеченин алгачкы бөлүгүндө таланттуу студенттер жана эжекелер тарабынан жагымдуу чыгармалар, бийлер аткарылды.

Бул менен бирге окууда мыкты жетишкендиктерди жараткан үлгүлүү студенттерге жана окуу жайдын өнүгүүсүнө салым кошуп, жигердүү эмгектенип келе жаткан окутуучу агайларга жана кызматкерлерге Ардак грамота, акчалай сыйлыктар тапшырылды.

Жалпы мырзаларды жана коргоочуларды майрамы менен кызуу куттуктайбыз!