14 март 2023
376
ДЕН СООЛУК-2023 СПАРТАКИАДАСЫ
ДЕН СООЛУК-2023 СПАРТАКИАДАСЫ СТАРТ АЛДЫ
Ош мамлекеттик педагогикалык университетинде «Ден соолук-2023» аттуу спартакиада старт алды.
Иш чара олимпиадалык оюн түрлөрү жана спорттук-массалык иш чараларды өткөрүү боюнча «Жаштык» дирекциясы тарабынан уюштурулуп, спорттун 7 түрү боюнча болот. Ага Ош шаарындагы 8 жогорку жана орто окуу жайларынын окутуучулары катышат.
Ага ылайык бүгүн окуу жайда спартакиаданын ачылуу аземи өткөрүлүп, куттуктоолор айтылды. Мында КРнын маданият, маалымат, спорт жана жаштар саясаты министрлигине караштуу департамент тарабынан дене тарбия жана спорттун мыктыларына Ардак грамота жана сыйлыктар тапшырылды.
Белгилей кетсек,спартакиаданын жыйынтыгында алдыңкы орун алган командалар көгүлтүр Ысык-Көлдүн жээгиндеги пансионаттардын биринде өтүлө турган республикалык «Ден соолук» спартакиадасына катышууга жолдомо алат.
