ОшМПУнун СТУДЕНТТЕРИ КУРГАК УЧУК ТУУРАЛУУ МААЛЫМАТ АЛУУДА

Ош мамлекеттик педагогикалык университетинде кургак учуктун алдын алуу боюнча семинар уюштурулду.

Ага Американын эл аралык өнүктүрүү агенттигинин (USAID) кургак учукту айыктыруу долбоорунун адиси Анарбек Алимакунов жана Ош облустук кургак учукка каршы күрөшүү борборунун фтизиатр дарыгери Мимоза Адрахманова жана окуу жайдын студенттери катышты.

Мында студенттер кургак учук тууралуу кенен түшүнүккө ээ болушуп, дарттын жугуу жолдору, алгачкы белгилери, оорудан айыгуу жана алдын алуу ыкмалары боюнча суроолого жооп алышты.

Белгилей кетсек, Саламаттыкты сактоо министрлиги 24-март Бүткүл дүйнөлүк кургак учукка каршы күрөшүү күнүнө карата атайын айлык жарыялап, жер-жерлерде аталган дарт тууралуу түшүндүрүү иштери жүргүзүлүүдө.