ОШТО ОКУУЧУЛАРДЫН ШАХМАТ БОЮНЧА РЕСПУБЛИКАЛЫК МЕЛДЕШИ ӨТҮП ЖАТАТ

Бүгүн Ош шаарында окуучулар арасында шахмат боюнча Республикалык чемпионат башталды.

Иш чара Ош мамлекеттик педагогикалык университетинде Президенттин Ош облусундагы ыйгарым укуктуу өкүлүнүн орун басары Эрнис Толтоев баштаган жетекчилер, оюнчулар жана ата-энелердин катышуусунда өтүп жатат.

Оюнга өлкөнүн бардык аймактарынан келген 5-17 жашка чейинки окуучулар катышууда. Чемпионат жалпы 9 тур менен өткөрүлүп, 26-мартка чейин уланмакчы.

Белгилей кетсек аталган турнир Ош шаарынын жана Ош облусунун Шахмат федерациясы, Кыргыз шамат союзу жана Кыргыз Республикасынын Спорттун олимпиадалык эмес түрлөрү боюнча дирекциясы менен биргеликте уюштурулуп жатат.