ЯРОСЛАВЛЬ ШААРЫНАН КЕЛГЕН ДЕЛЕГАТ ОшМПУ МЕНЕН ТААНЫШТЫ

Ош шаарына Россиянын Ярославль жана Ростов-на-Дону шаарларынан келген делегациянын мүчөлөрү Ош мамлекеттик педагогикалык университетине да баш багышты.

Конокторду университеттин Окуу иштери боюнча проректору Каныбек Раимбеков баштаган жетекчилик жамаат жылуу кабыл алып, жакындан баарлашты.

Мында Ярославль шаарынын мэринин коомчулук менен иш жүргүзүү жана эл аралык байланыштар боюнча орун басары Вячеслав Гаврилов жана баштаган өкүлдөр, жалпы окуу жайдын базасы менен таанышып чыгышты.

Ошондой эле билим берүү жаатында ЖОЖдор аралык кызматташуу алакасын чыңдоо, байланышты бекемдөө жана жаңы программаларды ишке ашыруу максатында эки тараптуу сүйлөшүүлөр жүрдү.