ОшМПУда ЖАШ ТАЛАНТТАРДЫН ОБЛУСТТУК СЫНАГЫ ЖҮРҮП ЖАТАТ

Бүгүн Ош мамлекеттик педагогикалык университетинде “Мен Кыргызстандык экендигиме сыймыктанам” аттуу аймактар аралык сынактын облусттук этабы өтүп жатат.

Иш чарага Ош облусуна караштуу райондордон келген 7-17 жаштагы 100дөн ашуун жеңүүчүлөр катышууда. Алар “Улуттук аспапта ойноо”, “Бий-хореография”, “Вокал” жана “Сүрөт тартуу чеберчилиги” жанрлары боюнча өздөрүнүн таланттарын көрсөтүүдө. Ага Бишкек шаарынан келген калыстар тобунун мүчөлөрү көзөмөл жүргүзүүдө.

Аталган сынак КРнын билим берүү жана илим министрлиги, Кыргызстандын ЮНЕСКО клубдарынын Ассоциациясы, “Балажан” Республикалык эстетикалык тарбия берүү окуу-усулдук борбору жана Кыргызстандагы ЮНЕСКОнун алгачкы клубу тарабынан уюштурулууда.