МЕКТЕП БҮТҮРҮҮЧҮЛӨРҮ ОшМПУ МЕНЕН ТААНЫШТЫ

Бүгүн Ош мамлекеттик педагогикалык университетине социалдык абалы оор (жарым жетим, томолой жетим) окуучулар келишти.

Алар шаардагы жогорку окуу жайларга бир катар экскурсия жасашып, анын катарында ОшМПУ менен да таанышып чыгышты. Мында университеттин материалдык техникалык базасы, андагы жүрүп иштер жакындан тааныштырылып, окуу жай тууралуу маалыматтар айтылып, ролик көрсөтүлүп, концерттик программа тартууланды.

Ошондой эле окуучулар кызыкдар болгон суроолоруна тийиштүү адистер тарабынан жооп алышты. Аны улай аярлуу катмардын мүчөлөрүнө сый тамак уюштурулуп, бардык окуучулар университеттин ашканасына түшкү тамактанууга киришти.

Белгилей кетсек аталган саамалык мектеп Ош облусунун бардык райондорундагы мектеп бүтүрүүчүлөрү үчүн уюштурулуп, ЖОЖдор менен тааныштыруу жүрүүдө.