ЖЕКЕ ИШКЕР ЭМИЛЬ УМЕТАЛИЕВ ОшМПУда ТРЕНИНГ ӨТТҮ

Бүгүн Ош мамлекеттик педагогикалык университетинин жамааты белгилүү ишкер, «Kyrgyz Concept» компаниясынын негиздөөчүсү Эмиль Уметалиев менен жолугушту.

Иш чаранын биринчи бөлүгүндө конок жалпы окутуучулар жана студенттер жамааты менен жолугушуп, жакындан баарлашты.Тагыраагы өлкөбүздөгү соңку жаңылыктарга мүнөздөмө жана өзүнүн басып өткөн жолу, ишкердик тажрыйбасы менен бөлүштү.

Аны улай тренер университеттин жаш стартаперлерине жеке ишкердик, педагогдордун бизнестеги мүмкүнчүлүктөрү сыяктуу олуттуу темалардын үстүндө семинар өттү.

Катышуучулар улам суроолорун узатышып, бизнес тууралуу негизги түшүнүктөрдү бышыкташты. Соңунда ректор Бекмурза Зулуев тренерге терең ыраазычылыгын билдирип, семинардын деңгээлин дагы чоң форматта өткөрүүнү план коюшту.

Белгилей кетсек аталган саамалык окуу жайдын Бизнес идеяларды ишке ашыруу борбору тарабынан уюштурулду.