ОшМПУнун жамааты чогуу ооз ачышты

14-апрель Ош мамлекеттик педагогикалык университетинде эмгек жамаат үчүн ооз ачар кечеси уюштурулду.

Орозо айынын куттуу күнүндө жакшы тилек-максаттар менен уюштурулган ооз ачар окуу жайдын ректору Бекмурза Зулуевдин демилгеси, профсоюз комитетинин, ректорат жамаатынын жана ыктыярдуу кызматкерлердин демөөрчүлүгү менен өткөрүлдү.

Ифтар кечесине Ош шаарындагы Эрдем мечитинин имамы Мунар Акматов, университетте эмгектенген орто жана улуу муундагы кызматкерлер жана жетекчилик катышты.