ОшМПУда ЖЫЛДЫН МЫКТЫ ИЙРИМ МУГАЛИМИ СЫНАГЫ ӨТТҮ » Ош мамлекеттик педагогикалык университет
Кыргызча Русский English
Авторизация
Ош мамлекеттик педагогикалык университетинин официалдуу сайты
» » ОшМПУда ЖЫЛДЫН МЫКТЫ ИЙРИМ МУГАЛИМИ СЫНАГЫ ӨТТҮ
24 апрель 2023
295

ОшМПУда ЖЫЛДЫН МЫКТЫ ИЙРИМ МУГАЛИМИ СЫНАГЫ ӨТТҮ

ОшМПУда ЖЫЛДЫН МЫКТЫ ИЙРИМ МУГАЛИМИ СЫНАГЫ ӨТТҮ
Бүгүн Ош мамлекеттик педагогикалык университетинде “Жан дүйнөмдүн кесиби” аттуу 2023-жылдын мыкты ийрим мугалими облустук сынагынын финалдык туру өткөрүлдү.
Иш чара Ош облустук балдар чыгармачылык борбору тарабынан уюштурулуп, ага Араван, Кара-Кулжа, Өзгөн, Кара-Суу жана Чоң Алай райондорунан келген 5 мугалим катышты. Сынак окуу жайдын базасында өткөрүлүп, өсүп келе жаткан жаш муундарга тарбия берүүдө, балдардын өнөрлөрүн өстүрүүдө мыкты ийгиликтерди жараткан мугалимдерди тандап алуу жана райондор аралык тыгыз байланышты бекемдөө максатын көздөйт.
Ага ылайык катышуучулар окуучулардын креативдүүлүк жөндөмдүүлүктөрүн өстүрүүүгө багытталган таланттарын көрсөтүү менен бирге өз кол өнөрчүлүк көргөзмөсү менен тааныштырышты. Мындан сырткары ар бир катышуучу өз чыгармачылыгын көрсөтүү менен бирге , ыр, бий, музыкалык аспаптарда ойноо, сахналык көрүнүш аткаруу сыяктуу жеке таланттарын тартуулашты.
Жыйынтыгында калыстар тобунун чечими менен 3-орунду Кара-Суу районунун катышуучусу Миргүл Тургунбаева ээлесе, 2-орунга Чоң Алай районунун катышуучусу Алтынай Жалалдин кызы ээ болуп, ал эми 1-орунду Өзгөн районунун катышуучусу Тургунай Мадазимова багындырды. Жеңүүчүлөргө диплом, Ысык-Көлгө жолдомо жана баалуу белектер тапшырылып, ал эми 1-орундун ээси республикалык турга жолдомо алды.
Белгилей кетсек, аталган сынак алгач райондук жана шаардык деңгээлде өткөрүлүп, эң жогорку упай топтогон жогорудагы 5 мугалим финалдык баскычка өткөн.  
шаблоны для dle 11.2

Пикир кошуу

ОшМПУнун дареги
Кыргыз Республикасы

723500, Ош обласу, Ош шаары

Исанова к.

Телефондор.: (03222)43567, 43550

Эл.почтасы: edu@oshmpu.kg, osh.ogpi@gmail.com
Интерактивная карта

Copyright © 2018 Сайттагы материалдарды түрдүү максаттарда пайдалануу, анын ичинде электрондук ММКларга жарыялоо сайттын администрациясынын кат түрүгндөгү уруксаты менен гана ишке ашырылат.

Разработка сайта - uDesign.pro