ОшМПУда КОНСТИТУЦИЯ КҮНҮНӨ КАРАТА ИЛИМИЙ КОНФЕРЕНЦИЯ ӨТТҮ

Бүгүн Ош мамлекеттик педагогикалык университетинде “Кыргыз Республикасынын Конституциясы-өлкөнүн негизги мыйзамы” аталышында илимий конференция болуп өттү.

Иш чарага легендарлуу парламенттин депутаты, профессор Балтагул Нурунбетов, КРнын Президентинин Ош облусундагы ыйгарым укуктуу өкүлүнүн орун басары Эрнист Толтоев баштаган өкүлдөр, ЖОЖдордун окутуучулары, тарыхчылары жана студенттер катышты.

Конференцияны университеттин ректору Бекмурза Зулуев ачып, катышуучуларды 5-май эгемендүү Кыргызстандын алгачкы конституциясынын кабыл алынган кунү менен кызуу куттуктады. Ошондой эле иш чаранын коноктору тарабынан да куттуктоо сөздөрү айтылып, конституциянын маани-маңызы боюнча ой-пикирлери менен бөлүштү. Иш чара пленардык жыйын менен уланып, мында конституциянын кабыл алынышы, тарыхый аспектилери, өзгөчөлүктөрү жана конституциялык көзөмөл боюнча баяндамалар жасалды. Ошондой эле конституциянын 30 жылдык тарыхында болгон олуттуу өзгөрүүлөр, анын кыргыз эли үчүн ролу тууралуу орчундуу пикирлер айтылды.

Белгилей кетсек аталган илимий конференция Кыргыз Республикасынын Конституциясынын кабыл алыгандыгынын 30 жылдыгына карата КРнын Ош облусундагы ыйгарым укуктуу өкүлчүлүгү жана ОшМПУнун тарых кафедрасы менен биргеликте өткөрүлдү.