10 май 2023
368
ОшМПУнун ОКУТУУЧУЛАРЫ ИШ САПАРЫ МЕНЕН НАМАНГАН ИНСТИТУТУНДА
ОшМПУнун ОКУТУУЧУЛАРЫ ИШ САПАРЫ МЕНЕН НАМАНГАН ИНСТИТУТУНДА
Ош мамлекеттик педагогикалык университетинин 5 окутуучусу Өзбекстандын Наманган институтуна мобилдүүлүк программасы боюнча иш сапарына барып кайтышты.
3-5-май күндөрү Өзбекстанда өткөн «Билим берүү менен өндүрүштүк практиканы интеграциялоо» аталышындагы Эл аралык илимий-практикалык конференцияга университеттин окутуучулары п.и.к., доцент Венера Исакова, п.и.к., доцент Барно Абдулахамидова, улук окутуучулар Салима Абдывасиева, Салтанат Мадалиева жана Чынаргүл Арыкбаева катышып келишти.
Конференция онлайн жана офлайн форматта өтүп, ага Щвецария, Корея, Туркия баштаган 28 өлкөнүн ЖОЖдору катышып, катарында Кыргызстандан ОшМПУнун жамааты да бар.
Адаттагыдай конференция пленардык жыйын жана секциялык иштер менен коштолуп, 2 күнгө уланды. Пленардык отурумда Венера Исакова жана Барно Абдулахамидова ОшМПУда өндүрүштүк практикадагы теория менен практиканын интеграциясы боюнча даярдалган баяндамаларын жасашты.
Андан соң иш сапардын алкагында окутуучулар студенттерге жана окуучуларга окутуунун инновациялык методдору жана билим берүү программаларын аккредитациялоо тажрыйбалары боюнча конок-лекция өтүп беришти.