ОшМПУнун 98 ЖЫЛДЫГЫН УТУРЛАЙ СТУДЕНТТЕРДИ СЫЙЛОО АЗЕМИ ӨТТҮ

Бүгүн Ош мамлекеттик педагогикалык университетинде окуу жайдын 98 жылдыгына карата студенттерге сыйлык тапшыруу аземи болуп өттү.

Иш чарада Эл аралык, Республикалык, шаардык деңгээлдеги сынактарга, спорттук иш чараларга, илимий конференцияларга активдүү катышып, окууда мыкты ийгиликтерди жараткан студенттерге Ардак грамота, ыраазычылык кат, диплом, акчалай сыйлыктар жана башка көптөгөн баалуу белектер ыйгарылды.

Бул менен бирге окуу жайдын Жаштар комитети жана Мамлекеттик тилди өнүктүрүү борбору тарабынан өткөрүлгөн иш чаралардын жыйынтыгы чыгарылып, жеңишке жеткен студенттерге, активдүү катышуучуларга байгелүү сыйлыктар тапшырылды.

Аталган саамалык студенттерди шыктандырып, билимин жана чыгармачылыгын өркүндөтүүгө стимул көрсөтөт.