ОшМПУда БҮТҮРҮҮЧҮЛӨРДҮ ИШКЕ ЖАЙГАШТЫРУУ МАСЕЛЕСИ КАРАЛДЫ

Бүгүн Ош мамлекеттик педагогикалык университетинде бүтүрүүчүлөрдү мамлекеттик жумуштарга бөлүштүрүү боюнча конференция болуп өттү.

Иш чарага бүтүрүүчүлөрдү жумушка жайгаштыруу жана алгачкы кесиптик жолун баштоосуна жөлөк болуучу шаардын жана райондун кадрлар бөлүмүнүн башкы адистери жана окуу жайдын профессордук-окутуучулук жамааты катышты. Ал эми Ош Билим берүү институтунун директору Гүлмира Турдубаева, Ош шаардык билим берүү башкармалыгынын кадрлар бөлүмүнүн башкы адиси Венера Давыдова жана райондордун билим берүү бөлүмүнүн башчылары мамлекеттик бөлуштүрүүгө комиссиялык кылышты.

Конференцияны алгач университеттин ректору, профессор Бекмурза Зулуев ачып берип, бүтүрүүчүлөргө ак жол каалады. Мында бюджеттик негизде бүтүп жаткан бүтүрүүчүлөрдүн жумушка жайгашуусу жана 3 жылдык мөөнөттө иштеп берүүсү, ага карата жол жобосунун аткарылышы боюнча кеңири маалыматтар берилди.

Быйылкы окуу жылында университет боюнча жалпы 261 бүтүрүүчү, анын ичинен жогорку билим берүү (бакалавр) адистиктери боюнча 148 бүтүрүүчү, ал эми орто билим (колледж) боюнча 113 бүтүрүүчү бөлүштүрүүгө катышты. Соңунда ар бир райондогу, шаардагы мектептерге бүтүрүүчүлөр бөлүндү.

Белгилей кетсек, иш чара Кыргыз Республикасынын жогорку жана атайын орто окуу жайларындагы 2022-2023-окуу жылында педагогикалык кесипке ээ болгон бүтүрүүчүлөрдү мамлекеттик ишке бөлүштүрүү максатында уюштурулду.