БИЛИМ, ИЛИМ КЫЗМАТКЕРЛЕРИНИН КЕЗЕКТЕГИ МЕЛДЕШИ СТАРТ АЛДЫ

Ош мамлекеттик педагогикалык унивеситетинде Ош облусунун райордору аралык Билим, илим кызматкерлеринин спорттук мелдеши старт алды.

Ага ылайык бүгүн окуу жайда иш чаранын ачылуу аземи өткөрүлүп, ага райондун жана шаардын кызматкерлери катышты. Жобого ылайык мелдешке 40 жашка чейинки жана 40 жаштан жогорку курактагы аялдар жана мырзалар катышып, стол теннис, шахмат, ордо, тогуз коргоол, стритбол, минифутбол жана волейбол сыяктуу спорттун 7 түрү боюнча кызуу оюн көрсөтүшүүдө. Оюндун жыйынтыгында байгелүү орундарга ээ болгон командалар медаль, диплом жана баалуу сыйлыктар менен сыйланышат.

Белгилей кетсек, мелдеш өткөн жумада жогорку жана орто окуу жайларынын кызматкерлери ортосунда болуп өткөн. Аталган спартакиада билим, илим кызматкерлеринин арасында спортту өнүктүрүү, ден соолукту чыңдоо жана республикалык спартакиадага катышуу үчүн облустун курама командасына тандоо жүргүзүү максатында жыл сайын уюштулуруп келет.