ОКУУ ЖАЙДА МАЙЫПТЫГЫ БАР ЖАРАНДАРДЫН МЕЛДЕШИ ӨТҮП ЖАТАТ

Бүгүн Ош мамлекеттик педагогикалык университетинде майыптыгы бар жарандар ортосунда спорттун 5 түрү боюнча Ош облусунун Биринчилиги өтүп жатат.

Ага Ош облусунун Араван, Алай, Чоң-Алай, Кара-Суу, Кара-Кулжа, Өзгөн, Ноокат райондорунун жана Ош шаарынын майыптыгы бар жарандары катышып, алар спорттун шашка, шахмат, кол күрөш, таяк тартыш жана коляскада жарышуу боюнча оюн курушууда.

Аталган мелдеш, майыптыгы бар жарандардын ден соолугун чыңдоо жана сергек жашоону калыптандыруу максатында Ош облусунун Жаштар иштери, дене тарбия жана спорт башкармалыгы тарабынан уюштурулган.

Белгилей кетсек, мелдештин жыйынтыгында байгелүү орундарды ээлеген командаларга кубок жана биринчи, экинчи, үчүнчү даражадагы диплом жана медалдар тапшырылат.