ОшМПУда БИЛИМ КҮНҮ САЛТАНАТТУУ ТҮРДӨ БЕЛГИЛЕНДИ

Бүгүн 1-сентябрь жаңы окуу жылы башталып, Ош мамлекеттик педагогикалык университетинде Билим майрамы өзгөчө маанайда белгиленди.

Иш чара окуу жайдын профессордук-окутуучулук курамынын, студенттердин жана ата-энелердин катышуусунда коштолду.

Салтанатты университеттин ректору Бекмурза Зулуев ачып берип, студент статусуна ээ болгон жалпы билим сүйүүчүлөрдү куттуктады. Бул менен бирге алдыга чоң максаттарды коюп, албан ийгиликтерди багындырууга бел байлап келген жаштардын билим сапарына ак жол каалады.

Иш чаранын кийинки бөлүгү куттуктоо сөздөрү менен уланып, майрамдык чыгармалар менен коштолду жана жылда салтка айланган саамалыктар аткарылды. Соңунда окуу жай менен тааныштыруу жүрүп, ар бир факультетте жыйындар өткөрүлдү.

Студенттик өмүрүн ОшМПУ менен баштаган жаш досторду майрамы менен куттуктайбыз!