ОКУТУУЧУЛАР АКЫСЫЗ МЕДИЦИНАЛЫК ТЕКШЕРҮҮДӨН ӨТТҮ

Бүгүн Ош мамлекеттик педагогикалык университетинин профессордук-окутуучук курамын жана кызматкерлерин Ош шаарынын №10 Үй бүлөлүк дарыгерлер тобунун кызматкерлери акысыз медициналык текшерүүдөн өткөрдү.

Аталган иш чара 25-сентябрь Бүткүл дүйнөлүк жүрөк күнүнө карата уюштурулган акциянын алкагында кант диабети, кан басым, көз ооруларын текшерүү иштери жүргүзүлдү.

Мында врач Нурия Шерматова, врач-кардиолог Достанбек Джурабаев, ден соолукту чыңдоо адиси Замира Турсуналиева жана Үй бүлөлөк дарыгерлер тобунун кызматкерлери кызмат көрсөтүштү.