ОКУТУУЧУЛАРДЫ ЖУМУШКА КАБЫЛ АЛУУ КОНКУРС АРКЫЛУУ ЖҮРҮП ЖАТАТ

2023-2024- жаңы окуу жылында Ош мамлекеттик педагогикалык университетиндеги бош орундарга жаш окутуучуларды жумушка кабыл алуу конкурстун негизинде жүргүзүлүп жатат.

Ага ылайык университтин орто кесиптик билим берүү жана жогорку билим берүү адистиктерине билим берүү үчүн кабыл алынып жаткан окутуучулар кезек-кезеги менен ачык сабактарды өтүшүүдө. Аталган сабактарга атайын дайындалган комиссия мүчөлөрү катышып, ар бир окутуучунун билимине, педагогикалык чеберчилигине жана иш тажрыйбасына байкоо салып, өз сунуш-пикирлерин билдиришүүдө.

Ар бир өтүлгөн сабактарга протоколдор түзүлүп, жыйынтыктар чыгарылат. Мында жаңы окутуучулардын сабак өтүү жөндөмдүүлүгү, мугалимдик талаптарга жооп берүүсү жана билими бааланат.