ОКУУ ЖАЙДА АСКЕРЛЕР ҮЧҮН СЕМИНАР ӨТТҮ

Бүгүн Ош мамлекеттик педагогикалык университетинде ИИМдин Атайын багыттагы полктун √3 батальонунун аскерлери үчүн "Кызыгы көп кыргыз тили" аталышында семинар болуп өттү.

Иш чарада кыргыз элинин улуттук баалуулуктары, кыргыз тилинин учурдагы абалы, аны өнүктүрүүдөгү биздин аракеттер, улутубуздун баатырлары, унутулгус урунттуу учурлардагы эрдиктер, чек арага чеп болгон атуулдарыбыздын өлкөбүздөгү орду тууралуу маалымат берилди. Ошондой эле катышуучулар үчүн кайтарым байланыш уюштуруу максатында электрондук форматта кызыктуу сынактар уюштурулуп, жеңүүчүлөргө баалуу белектер тапшырылды.

Белгилей кетсек, аталган саамалык мамлекеттик тилдин 34 жылдыгына карата окуу жайдын мамлекеттик тил борбору тарабынан уюштурулган.