СТУДЕНТТЕРГЕ БИЗНЕС ДОЛБООРДОН УТКАН ГРАНТТАРЫ ТАПШЫРЫЛДЫ

Ош мамлекеттик педагогикалык университетинин Бизнес идеяларды ишке ашыруу борборунда окуган жаш стартаперлердин долбоордон уткан гранттары бериле баштады.

Ага ылайык долбоорлорду кайтарымсыз каржылап жаткан Ага Хан жана USAID фондунун мүчөлөрү, алгач 3 стартапердин ишкердик жүргүзүүгө керектүү болгон шаймандарын тапшырды.

Мында грант ээлери Айгерим Абдивалиева, Каныкей Келдибек кызы жана Гүлшанай Даниярбекова тигүү цехине керектүү болгон 4 тигүүчү машина, 3 даана оверлок, үтүк, зигзаг жана каптоочу тигүү машиналарын алышты.

Белгилей кетсек, Бизнес идеяларды ишке ашыруу борбору, Американын эл аралык өнүктүрүү агенттиги (USAID), Ага Хан фонду менен биргеликте ишмердүүлүктү өнүктүрүү максатында бизнес окутууларды өткөрүп, жыйынтыгында 7 студентке 1 240 000 сом өлчөмүндөгү грант утуп алууга көмөктөшкөн.