ОКУТУУЧУЛАР PISA ПРОГРАММАСЫ БОЮНЧА МААЛЫМАТ АЛЫШТЫ
ОКУТУУЧУЛАР PISA ПРОГРАММАСЫ БОЮНЧА МААЛЫМАТ АЛЫШТЫ
Бүгүн Ош мамлекеттик педагогикалык университетинде PISA программасы боюнча семинар болуп өттү.
Мында тренер Кундуз Арапова өз тажрыйбалары менен бөлүшүп, ага жаш окутуучулар, мектеп мугалимдери жана билим берүүчү мекемелердин өкүлдөрү катышты.
Иш чарада google сервистери, виртуалдык доскаларды пайдалануу, 3D симуляция, виртуалдык лабораторияларды иштетүү жөнүндө түшүнүктөр айтылды. Ошондой эле PISA программасынын артыкчылыктары, документтерди форматтоо, которуу, бөлүшүү, тапшырмаларды түзүү жана ойнотуу боюнча кеңири маалымат берилди.
Соңунда окутуучуларга сертификаттар тапшырылып, катышуучулар семинардын бир топ кызыктуу, маңыздуу жана пайдалуу болгонун айтып, тренерге ыраазычылыктарын билдиришти. 
