СТУДЕНТТЕР ДИН ТУУРАЛУУ МААЛЫМАТЫН КЕҢЕЙТҮҮДӨ

Бүгүн Ош мамлекеттик педагогикалык университетинде “Исламдын коомдогу орду” аталышында конок-лекция болуп өттү.

Иш чаранын коногу Кыргызстан уламалар кеңешинин мүчөсү, теология илимдеринин доктору Самаган Мурзаибраимов болуп, ал окуу жайдын алдыңкы студенттерине лекция окуду. Мында лектор жаштардын ислам динине болгон көз карашы, ислам дининин жаштардын жашоосундагы орду тууралуу кеңири маалымат берди.

Жыйынтыгында катышуучулар тарабынан суроолор берилип, лектор коомдогу динге байланышкан актуалдуу маселелерге токтолуп, жаштардын күнүмдүк жашоосундагы көйгөйлөргө басым жасоо менен тиешелүү жоопторду берди.