ОшМПУнун ЖАМААТЫ КЕСИПТИК МАЙРАМЫН БЕЛГИЛЕШТИ

3-октябрь күнү Ош мамлекеттик педагогикалык университетинин профессордук-окутуучулар жамааты кесиптик майрамын белгилешти.

Мында университетте эмгектенип жаткан бир жалпы окутуучулар майрамдык салтанатка өзгөчө маанайда катышып, бир топ окутуучулар министрликтин, мэриянын, облустун, кесиптик бирликтин жана окуу жайдын жогорку сыйлыктарына ээ болушту.

Ошондой эле жаштарга терең билим, татыктуу тарбия берүүдө ийгиликтерди жаратып, билим берүү тармагында үзүрлүү эмгектенүү менен окуу жайдын өнүгүүсү үчүн салым кошуп келе жаткан кесипкөй окутуучулар Ардак грамота, атайын төш белги жана акчалай сыйлыктар менен сыйланышты. Мындан сырткары лотерея ойнотулуп, бир топ баалуу белектер тапшырылды. Сыймыктуу кесип ээлерин сыйлоо аземинен соң, майрамдык кече андан ары уланып, жогорку маанайда жыйынтыкталды.

Заманыбыздын күжүрмөн эмгекчилери болуп саналган ардактуу агартуу тармагынын асылдарына даңк. Кесиптик майрам күнүңүздөр кут болсун!