ДЕНЕ ТАРБИЯ ФАКУЛЬТЕТИНДЕ ДЕКАНДЫН КУБОГУ ОЙНОТУЛУУДА

Бүгүн Ош мамлекеттик педагогикалык университетинин Дене тарбия факультетинде декандын кубогу ойнотулуп жатат.

Салтка айланган бул иш чара студенттердин спортко болгон жөндөмдүүлүктөрүн арттыруу, тайпалар аралык ынтымакты бекемдөө максатында уюштурулуп, ага аталган факультеттин 1-4-курска чейинки студенттер катышууда.

Мелдеш окуу жайдын спорттук аянтчасында өткөрүлүп, мында ар бир тайпадан түзүлгөн командалар жободо белгиленгендей волейбол, таяк тартыш, кыргыз күрөш, жеңил атлетика , тогуз коргоол, шахмат оюндары боюнча күч сынашууда.

Мелдештин жыйынтыгы спорттун ар бир түрү жана командалык эсеп менен чыгарылып, жеңүүчүлөр аныкталат. Байгелүү орунду ээлеген командаларга диплом жана баалуу белектер тапшырылып, ал эми 1-орунду алган команда атайын декандын кубогу менен сыйланат.

Белгилей кетсек, аталган иш чара окуу жайдын дене тарбия факультети тарабынан уюштурулуп, 5 күнгө созулат.