ОшМПУ РОССИЯНЫН ЖОЖдору МЕНЕН ЖАҢЫ КЕЛИШИМДЕРДИ ТҮЗДҮ

ОшМПУ РОССИЯНЫН ЖОЖдору МЕНЕН ЖАҢЫ КЕЛИШИМДЕРДИ ТҮЗДҮ

Ош мамлекеттик педагогикалык университети Россиянын үч жогорку окуу жайы менен кызматташуу келишимин түздү.

Мында В.Г.Короленко атындагы Глазов мамлекеттик педагогикалык институту, Б.Н.Ельцин атындагы Урал федералдык университети, Б.Б. Городовиков атындагы Калмак мамлекеттик университети менен Ош мамлекеттик педагогикалык университетинин ректорлору кызматташуу меморандумуна кол коюшту.

Аталган келишимдер 14-октябрь күнү Ош мамлекеттик университетинде өткөн Кыргызстан жана Россиянын ректорлорунун 3-форумунда түзүлүп, анын алкагында эки өлкөнүн ортосундагы билим берүү байланышы дагы да кеңейип, жаңы мүмкүнчүлүктөргө жол ачылууда.