ОшМПУ УЛГАЙГАН АДАМДАРГА МАТЕРИАЛДЫК ЖАРДАМ КӨРСӨТТҮ

Ош мамлекеттик педагогикалык университети шаардагы улгайган адамдардан кабар алуу менен, аларга материалдык жардам көрсөттү.

Бул саамалык 2023-жылдын 15-сентябрынан 15-октябрына чейин Ош шаарында жарыяланган “Улгайган курактагы адамдарга көңүл буруу жана камкордук” аталышындагы бир айлыктын алкагында ишке ашты.

Иш чара Ош шаарынын мэриясы тарабынан жарыяланып, анын алкагында жардам берүү үчүн мекеме-ишканаларга улгайган адамдар бөлүнүп, катарда ОшМПУ Мария Латий, Раиса Лысова, Турсихан Мамаджанова, Светлана Морозова аттуу шаардын тургундарына акчалай жардам көрсөтүштү.