ЫНТЫМАКТЫ БЕКЕМДЕГЕН ВОЛЕЙБОЛ МЕЛДЕШИ
ЫНТЫМАКТЫ БЕКЕМДЕГЕН ВОЛЕЙБОЛ МЕЛДЕШИ
Ош мамлекеттик педагогикалык университетинин профессордук-окутуучулар жамааты жана административдик чарба кызматкерлери спорттун волейбол түрү боюнча мелдеш курду.
Аталган саамалык ден соолукту чыңдоо, сергек жашоого үндөө максатында факультеттер арасында кезектешип өткөрүү салтына айланган. Бул ирет оюн окуу жайдын музыкалык-педагогикалык факультети тарабынан уюштурулуп, ага мырзалардан жана айымдардан куралган командалар ат салышты.
Мелдешке университеттин жетекчилиги, окутуучулар жана студенттер жакындан күбө болуп, мыкты сүрөөн менен күйөрмандык кылышты. Жыйынтыгында айымдар ортосунда 3-орунду табият таануу жана география факультети, 2-орунду колледж, 1-орунду музыкалык –педагогикалык факультети ээледи.
Ал эми мырзалар арасында 3-орунду колледждин мырзалары, 2-орунду административдик чарба иштеринин командасы ээлесе,1-орунду администрация кызматкерлери багындырды.
