КЫРГЫЗ ЖАРАНЫ КОНЦЕПЦИЯСЫНЫН АЛКАГЫНДА СЕМИНАР ӨТТҮ

КЫРГЫЗ ЖАРАНЫ КОНЦЕПЦИЯСЫНЫН АЛКАГЫНДА СЕМИНАР ӨТТҮ

Ош мамлекеттик педагогикалык университетинде студенттердин өзүн-өзү таануусун өнүктүрүү өңүтүндө семинар болуп өттү.

Иш чара КРнын Президентинин “2021-2026-жылдары Кыргыз Республикасында Кыргыз жараны деп жарандардын өзүн таануусун өнүктүрүүнүн концепциясы” жарлыгынын негизинде уюштурулуп, аны окуу жайдын мамлекеттик тилди өнүктүрүү борборунун башкы адиси Бектурали Исамидин уулу өттү.

Семинардын жүрүшүндө  кыргыз элинин сөз байлыгы, чечендик өнөрү, улутту улут катары сактап турган баалуулуктары, тарыхый баалуу фактылары тууралуу кенен маалыматтар берилди. Бул менен бирге учурда улутубуздун айрым баалуулуктарын колдонууга алсыз болуп жаткан муунду, кыргыз жарандарынын артыкчылык жана кемчиликтерин талкууга алышты.

Аталган саамалык ар бир кыргыз жаранын өзүн-өзү таанып-билип, улутунун улуу мурасын, баалуулуктарын өзүнө сиңирип, өлкөнүн жарандык наркын сактап калуу максатында өткөрүлдү.

Мекеним менден башталат!