ЖАШ СТАРТАПЕРЛЕР ҮЧҮН БИЗНЕС-ТРЕНИНГ ӨТКӨРҮЛДҮ

Бүгүн Ош мамлекеттик педагогикалык университетинде “Жумуш табуунун жолдору” аталышында семинар уюштурулду.

Аталган семинарга окуу жайдын келечек стартаперлери катышып, конокто “Ага Хан” фондунун жаштардын арасында ишкердүүлүктү өнүктүрүү программасынын координатору Искендер Кадыров болду. Ал чет элдеги компаниялар менен иштешүү, туура резюме толтуруу, жумуш табуунун түрдүү жолдору туурасында кеңири маалымат берди.

Катышуучулар тренерге бир канча суроолорду узатышып, бизнес жаатында аз да болсо билимдерин толукташты. Белгилей кетсек, иш чара бизнес чөйрөсүндө туура багыт берүү жана жаштар арасында бизнести кенен жайылтуу максатында Бизнес идеяларды ишке ашыруу борбору тарабынан уюштурулган.