СТУДЕНТТЕРГЕ ФИНАНСЫЛЫК САБАТТУУЛУК БОЮНЧА СЕМИНАР ӨТҮЛДҮ

Бүгүн Ош мамлекеттик педагогикалык университетинде “Эмне үчүн финансылык сабаттуулук азыркы жашообузда маанилүү?” аттуу семинар уюштурулду.

Аталган семинарды Эл аралык Эмгек Уюмунун (ЭЭУ) “Өз бизнесиңди башта”, “Финансылык сабаттуулук”, “Score4Climate” программалары боюнча сертификатталган тренер Гульсаадат Баялиева өтүп берди.

Иш чарага университеттин Бизнес идеяларды ишке ашыруу борборунун мүчөлөрү жана активдүү студенттер катышып, мында компанияларга өндүрүш процесстерин оптималдаштыруу, командада иштөө жана ресурстарды үнөмдөө маселелери боюнча кеңири маалымат берилди. Ошондой эле тренер финансылык сабаттуулукту жогорулатуу жана бизнестин ийгилигине жетүү үчүн бир канча кеңештери менен бөлүштү.

Жыйынтыгында катышуучулар тренерге бир канча суроолорду узатышып, бизнес жаатында аз да болсо билимдерин толукташты. Белгилей кетсек, иш чара бизнес чөйрөсүндө туура багыт берүү жана жаштар арасында бизнести кенен жайылтуу максатында Бизнес идеяларды ишке ашыруу борбору тарабынан уюштурулган.