ӨЗБЕКСТАНДЫН ОКУМУШТУУЛАРЫ ОшМПУда ЛЕКЦИЯ ОКУШТУ

Өзбекстан Республикасынын Наманган мамлекеттик университетинин окумуштуулары Ош мамлекеттик педагогикалык университетинде студенттерге конок-лекция өтүштү.

Иш чаранын коноктору Наманган мамлекеттик университетинин тарых факультетинин деканы Шухрат Хайдаралиев, архив таануу бөлүмүнүн мүдүрү Ботирали Вохобов, гуманитардык илимдер факультетинин окумуштуулары Икром Кузукулов жана Ботир Маллабоев болуп, ага окуу жайдын тарых кафедрасынын окутуучулары жана студенттери катышты.

Мында лекторлор Кокон хандыгынын тушундагы Фергана өрөөнүнүн калкынын этникалык курамы, учурдагы көйгөйлөр: ХХI кылымдын биринчи он жылдыгында Фергана өрөөнүнүн археологиясын изилдөө, этноинтеграция процесстери, Фергана өрөөнү (XIX-XX кылымдарда) жана өнүгүүнүн жаңы этабында өзбек – кыргыз мамилелери туурасында лекция окушту.

Бул менен бирге студенттер лекторлорго бир топ кызыктырган суроолорду узатышып, тарых маселесин камтыган теманын айланасында талкуу жаратышты. Жыйынтыгында лекциянын катышуучулары тарабынан суроолор берилип, тиешелүү жооптор алынды.