ОШ МЕНЕН ӨЗГӨНДҮН ТАЛАНТТАРЫ ЭЛДИК САРМЕРДЕНДЕ
ОШ МЕНЕН ӨЗГӨНДҮН ТАЛАНТТАРЫ ЭЛДИК САРМЕРДЕНДЕ
25-ноябрь күнү Ош улуттук драма театрында Өзгөн району жана Ош шаарынын таланттары элдик сармерденде таймаш курушту.
Аталган саамалык КРнын Президентинин 2021-2026-жылдары Кыргыз Республикасында Кыргыз жараны деп жарандардын өзүн таануусун өнүктүрүүнүн концепциясын ишке ашыруу жөнүндө жарлыгына ылайык республикалык деңгээлде уюштурулууда.
Элдик сармерден таймашында бул ирет Өзгөн районунун жана Ош шаарынын элдик таланттары анын катарында ОшМПУнун өнөрпоздору эл кубанткан кызыктуу оюн курушуп, жобого ылайык саламдашуу, жеке номер, элдик ыр, макал айтышуу, интермедия аткаруу, хор ырдоо сыяктуу жалпы 9 турдун негизинде өз өнөрлөрүн тартуулашты.
Сармердендин жүрүшү улам кызып, күйөрмандар сүрөөн менен өз тарапташтарына өзгөчө дем-күч берип, эки тарап тең сахнада мыкты аткаруу менен өздөрүнүн мыкты даярдыгын көрсөтүштү. Жыйынтыгында калыстар тобунун чечими менен Ош шаарынын командасы 49 упайга, ал эми Өзгөн районунун таланттары 50 упайга ээ болуу менен финалдык турга жолдомо алышты. 
