ОшМПУнун ТАЛАНТТАРЫ АЙТМАТОВДУН КААРМАНДАРЫ

Бүгүн Кыргыз-Өзбек Эл аралык университетинде орто жана жогорку окуу жайлар ортосунда сынак болуп өттү.

Аталган иш чара КРнын Президентинин Мамлекеттик тил жана тил саясаты боюнча улуттук комиссия тарабынан белгиленген “Кыргыз тили жана Айтматов ааламы” аталышында жарыяланган үч айлыктын алкагында уюштурулду.

Иш чарада жазуучунун чыгармаларынан тартылган сүрөттөр көргөзмөсү уюштурулуп, андан ар бир окуу жайдан келген топтор залкар жазуучу Чыңгыз Айтматовдун чыгармалыранан сахналык көрүнүштөрдү аткаруу менен өздөрүнүн таланттарын көрсөтүштү. Мында Ош мамлекеттик педагогикалык университетинин студенттери “Бетме-бет”повестинен үзүндү аткарышты.

Сынакта катышуучулардын аткаруу чеберечилигине, кийген формаларына, сүйлөө манерасына өзгөчө көңүл бурулуп, калыстар тобу тарабынан упайлар берилди. Ал эми үч айлыктын жыйынтыктоо аземинде сынактын жеңүүчүлөрү аныкталып, катышуучуларга баалуу белектер тапшырылат.