ДЕНЕ ТАРБИЯ ФАКУЛЬТЕТИНДЕ ИШ БЕРҮҮЧҮЛӨР МЕНЕН ЖОЛУГУШУУ БОЛУП ӨТТҮ

Ош мамлекеттик педагогикалык университетинин дене тарбия факультетинде иш берүүчүлөр жана бүтүрүүчүлөр менен жолугушуу өткөрүлдү.

Иш чарага факультеттин деканы Абдубахаб Капаров баштаган профессордук-окутуучулар курамы, факультеттин бүтүрүүчүлөрү, шаардагы мектептердин директорлору жана спорт комитетинин өкүлдөрү катышты.

Жолугушуу тегерек стол форматында өтүп, мында адистикке тиешелүү окуу пландары, негизги билим берүү программасынын сапаты жана кадр маселеси талкууланды. Ошондой эле иш берүүчүлөрдөн сунуш – пикирлер айтылып, студенттерди жумушка жайгаштыруу боюнча сүйлөшүүлөр жүрдү.

Белгилей кетсек, аталган жолугушуу окуу жай менен мектептердин жана бүтүрүүчүлөрдүн байланышын күчөтүү, студенттерди иш менен камсыз кылуу максатында дене маданаиятынын назарияты жана усулдук негиздери кафедрасы тарабынан уютурулду.