ПРОФЕССОР ДҮЙШӨН ШАМАТОВ ОКУТУУЧУЛАР ҮЧҮН СЕМИНАР ӨТТҮ

Бүгүн Ош мамлекеттик педагогикалык университетинде Назарбаев университетинин профессору Дүйшөн Шаматов окутуучулар үчүн семинар өттү.

Иш чарага университеттин ректору Бекмурза Зулуев баштаган профессордук – окутуучулук курамы жана окутуучулар катышты. Ага ылайык белгилүү педагог Дүйшөн Шаматов катышуучуларга “Силллабус жазуу: окутуу жана баалоо усулдары” деген темада сабак өтүп, өз тажрыйбалары менен бөлүшүп кетти.

Семинарда силлабус жазуу жана анын мазмуну, окутуунун түрдүү усулдары, окуу процессиндеги силлабустун зарылдыгы, дилбаянды баалоо, баалоонун түрлөрү жана критерийлери, ошондой эле кайтарым байланыш жөнүндө кеңири маалыматтар берилди.

Соңунда профессор окуу жайдын илимий изилдөө, окуу – усулдук иштеринин өнүгүүсүнө кошкон салымы, билим берүүдөгү талыкпаган эмгеги жана жаратмандыгы үчүн ыраазылык кат менен сыйланды.